Sodadi di Porto baxu
Qui bentu leba noba
Na igreja matriz.
Sancristan corri faxi
Ba fla nhu padri
Ma funana dja bem,
La na fundu logodji
Cu corteju
I batucadas
Cumandadu Pa:
Sema Lopi,
Codé di Dona,
Catchas
I Nacia Gomi
Inveson di mundu
Na trabiseru di salina
Dixi baxu corri portu,
Achada fazenda
Tchoma ozenda
Para trazi oferenda.
Era funana na corpu,
Finadu quenti
Qui ta sconjura padri
qui ta pára tempu
na som di gaita
i ferrinhu
siridjadu cu denti
di mocinhus.
Ai funana pára na santiagu
Da-n AGU pan podi djata
Sem comentários:
Enviar um comentário