Manduco

Si bu é di contra
Manduco,
Ta bem di riba,
Bem di baxu,
Bem di centru
Bem di lesti
Bem di oesti
Bem di rua
Bem di dentu
Bem di net
Bem di tudu lugal
Ti ta tufudja na bu corpu

Si bu fica quetu,
Manduco ta pára...
Si bu fla ai i ui,
Manduco ta riaji...
Si bu fla ma bu é contra,
Manduco ta cumesa...

Imagina si bu mori
Ali qui Manducu ta bira
Flor,
Microfoni,
Charutu,
Noticia na radiu,
Na TV,
Na jornal,
Manduco é hipocrisia!