Lua bandida

Credito de imagem: foto de Eneias(?) 

Lua ca bu sigui-m

Intentada, malvada…

Sai di sucuro, faxi...  mostra rostu

Sempri na fodjada di tempu…

Ora qu'é spreta sta fla’l lua noba

Ora qu'é sai tudu, é lua cheia…

Lua bu trai-m cu princesitu?

Bu camba na fodjada cu rapaz

Bu fasi relason, 

Bu da’la rason... 

Ami m ca atcha nada…

Odju largu, feticera di  mundu

Mais qui policia di salazar…

M ta corri na rua, bu ta sigui-m

M ta entra na casa, bu ta spera-m

Ora qui sol bem, bu ta fuxi…

Spera, odju di lula

Faro di catchor

Ta sensia nha ciência

Ta grabata segredu

Na nha diariu di pedra

Ah lua,

Ca bu ngana-m

Ca bu iludi-m

Dexa di es cabra cega, dixi baxu, só…

Bem pa peladinha bu flanu tudu:

Quenha qui roba

Quenha qui viola

Quenha qui fuxi

Quenha qui fasi serenata

Ah?! É ca Pantera cu maltas?

Ildo Lobu staba la?

Nton nu fasi festa.

Diaxi-nho!