Santa fodja

Minina bonita, prendada di bida

Ar inteligenti, magnificienti qui ta calma mundu

Naveganti mundu, mercadora di praga

Di vez em quando é ta bai ceu

É ta chinta riba lua noba

É ta fala cu tempu…

Na conspirason cu tempu…
              //

Ami djam corri mundu

Cu punhal na mô

Ta sperabu dixi

Rixo sima m-sta

Balenti di balalaica

Cu rostu runhu…
          //

Santa fodja ca bu nganan

Ca bu iludi-m ne’s jogu di cabra cega

Ca bu buli-m cu bu getu intentada

M-ta panhabu, chinta bu spera…

Odja qui bu sinal sta na ar

Bu gritu é conchedu

Bu rastu sta na tudu lugal
            //

Santa fodja rubera riba

Santa fodja rubera baxu

Santa fodja bem di riba

Santa fodja bem di baxu

Na lesti e oesti

Na cruz credu na mata cruz

Cu bu ar uaz…

M ta pegabu tchaz..
         //

Mi cu nha punhal na mô,

Nem cabu chefi ca ta  tadja

Qui fronta toma tchada

Até qui vulcon pari