Badiu na mundu

Ei badiu, anho é quenha

Dja fasi tcheu tempu n-ca odjau

És fla ma bu sta tristi…

Cusé qui contici propi?

És mexeu? Si es mexeu bu fla-n…

Pamodi nha camuga sta afiadu

Nha boca sta ligeru

Língua brada tempu pa otu lém

Tchom tremi so di barudju-festa

Cu djatu forti na paiol di nhu firmi

Ayan. Ora qui cau mâria, ca bu fadiga

Da-m fala, n-ta sucutau

Na mansu, mansu, n-ta obiu

Da-n conta mininus, ca quexadu?

Lumaria sta dretu…

Luxuxa ca quexa?

Fla-n um cusa; bu cre toma um cusa?

Leberdadi ou prison?

Eh eh eh; grogu sabi ou fedi? Lol