Nha confisson: Mi cu Electra

Canto m-odja Electra nha curason da-m cram

Di corpu jeitosu qui maria-m cabeça

Rostu di falsidade  

Cu sorrisu colgati

Quel piscar d’odju di strela cadenti

Nha corpu tremi na som di batucu

M-fla ah minina bu ta fazem um cusa

Dipos é bai nha casa

É mara-m na cama pé di bodi

É tapa-m rostu cu lençu pretu

É roba-m nha dinheru

Ah Electra beee!

Pelu menus bu fasi trabadju cumpletu

Bu dexa-m na bica bu fuxi

Grega di ma fama

Malandra vagabunda

Odja qui m-ta quexa di bo

Non presta!

Agamênon i Clitemnestra é pais sofridus

Até qui Mecena morri na disgostu

Agó é Praia Maria i Cau berdi interu di luto

Ah Electra odja qui:

Dimocrasia é prática di diveris i direitu

É ca na malcriason i disaforu

Nem na roba cada qual cu rostu contenti

Lembra qui gregus i troianus es ca ta dá

Nem Primier qui sta ta perdi tino

Pelu menus nes ambienti di caos

Fase amor cu povu na som di concordia