Minina, obi-m li

Ka mesti flabu ma n-ta amabu

Si nha kumberso é amaldiçoadu pa nerbu…

sempri ki-m odjabu m-ta tremi moda bara-pau,

Nha testosterona ta txupim dimas…

Nha curason ta kundum-kundum…

Sempre ki odjabu m-ta cristaliza pah, moda pedra…

M-ta raganha denti, m-ta ragala odju moda xibinhu

Minina, pakê fasi di difícil…

Si m-ka podi flabu ma bu ta mexi ku mi

Si m-ka podi flabu ma m-ta amabu…

Ka bu ri di mi, nau…

Pamodi ku es sufrimentu ki sta sukudi-m

Ku es gaguejar ki ta mata-m

Ku es kalor ki dja toma konta di mi…

Odja ki…

Nha garganta sta pertadu

Ki ka ta txebi nem um goli

Nha pulmon sta sem ar

Nha kurason sta pula di dor…  

Ah, minina, pakê fasi di difícil…

Pa maz krus kredu, santu amem:

m-ta alegra odjabu sempre…

ku bo korpu di viola i embalar di morna

m-ta fika dodu ku bo andar di funaná…

diaxi-nho!

Ki djatu Praia Maria sukudi Santiagu!

Só pa es obi nhas preci…

Sabi ma um anu mora 365 dia

Ki um dia mora 24 horas

Ki um hora mora 60 minutus

Por issu…

Tempu é oru…

agu na rubera so ta passa um bes…  

Sabendu ki ali-bem tempu

Amor ta kaba na fundu di um bolsu

Na ponta di um teson di momentu

Na praça publika pa tudu mundu ozerba…

Ka bu pensa txeu, minina…

Pamodi sol ta kamba

Lua ta naci i ta morri

Strela ta risca ceu um bes

Pamodi tempu ka ta boita mas…

Só pa um minutu, um sigundu bu fla-m

Ayam dja-m krebu

Ranja ku mi

Ps. Um bom dia di namoradus; dedicado à minha namorada Andreia Soares