Da’l grampu

Odja si rostu lá

Macriadu i disaforadu

Odja qui bu fama sta na tudu cutelu

Ti cachor di prisca dja nota

Pa maz qui bu papia ta sai asnera

Pa maz qui menciona dios esconjuru é maior

Fogadu bicheru pa tra leti

//

Por isso da’l grampu

Fase’l cotchi-cotchi

Po’l ta ri moda hiena

Po’l ta micha moda porca

Po’l ta tchora qui nem gatu

//

Da’l grampu

Na brincadera na som di coladera

Mara’l brasu na nuca bu po’l ta badja

Até qui batuco entra na si corpu

Pa fase’l chinti alegria di simplicidade

//

Da’l gampu

Pa el chinti paz i harmonia

Qui mentira é crimi

Qui fladu fla é bergonha

Qui pulitica tem qui ser onestu

//

Da’l grampu

Bu oferece’l caldu frangu

Caldu d’obu

Misturadu cu malagueta di serra

//

Da’l grampu

Bu tral rozadi di petu

Fitchal boca cu banana

Fitcha’l odju cu simulason

Pa pidi desculpa pa tudu mundu obi

Da’l grampu

Da’l grampu