Hienas disaforadas
Boca sujo
Tcheru fedi
Língua di fel
Cuspinhu acidu
Mostra denti
sucundi rostu
surrisu mufinu pestilentu
bu stucia macrabru
dja dam medu, hienas
na tchom di praia, sucuru fitcha
bu limia intriga
bu sucundi vela
na paz, spritu, santu
pa fasi freti pa PAI di curason
almas penadas labantadu di coba
intriga entra na justiça
procurador sta procuradu
Omi dja perdi na tempu
Enquantu na Praia
Djubençu viola fatona,
Chiquinha ranja confuson,
Culau viola juliana dodu
Procurador di zigui zagui sucundi rostu
Fingi mé ca él
Subi na pé di laranja Lima
Cumesa ta poda flor, folha e frutu
Dipos é matchadu na troncu
Pa seca raiz cu ses saliva ácida
Lima di substância:
Corri di cumbersu inguiçadu
Fuxi di hienas desdentadas,
Di aris mafentus
Subi cutelu, fasi campanha
Pamodi na Cau berdi, fladu fla ta screvedu
Ora qui puder sta cumanda freti
Menti é fracu, barriga ta pesa
Dexam flau propri…sucutam…
Sem comentários:
Enviar um comentário